ENPLEGU PLANA

Bizkaiko Gurutze Gorriaren Enplegu Planaren helburua, gizarte arazoak dituzten edo lan merkatutik urrun dauden pertsonek, lanpostua eskuratzeko eta horri eusteko aukera izatea da, baldintza berberekin, gizarteratzeko tresna gisa.

– Pertsonen inklusioa bultzatuko duen lan eta gizarte ingurunea sortzen laguntzea, lana aurkitzeko orduan aukera berdintasunak zaildu ditzaketen generoaren, jatorriaren edo adinaren araberako oztopoak murriztuz.

– Lan merkatutik urrunduta dauden pertsonen laneratzea sustatzea, beraien gaitasunak indartuz eta enplegagarritasuna handituz, erabateko gizarteratzea lortzeko.

• Enplegua lortzeko neurri espezifikoak.

– Lan arloko informazio guneak: lan arloko orientazioa eta informazioa enplegu baliabideen inguruan.

– Zeharkako prestakuntza: enplegua bilatzeko oinarrizko teknikak, gaitasun sozialak eta lanerako gaitasunak, oinarrizko informatika eta Internet, eta abar.

– Enplegua bilatzeko guneak: ordenagailuak eta Interneterako sarbidea dituen ikasgela.

• Laneratze ibilbide indibidualizatuak. Zaurgarritasun egoeran dauden pertsonentzat, gazteak, euren kargura pertsonak dituzten emakumeak, iraupen luzeko langabetuak, edo asilo edo/eta nazioarteko babes eskatzaileak.

– Laneratzeko orientazioa eta laguntasuna: motibazioa eta aktibazioa, orientazio profesionala eta aholkularitza eta laguntasuna.

– Prestakuntza: jarduera horietan enplegagarritasuna hobetzen da, konpetentzia pertsonalak, zeharkakoak eta tekniko profesionalak garatuz eta ikasiz.

– Bitartekaritza: lan merkatuan eta enplegu eskaintzetan prospekzio lana egitea, enpresei bitartekaritza sistema eskaintzen zaien bitartean, eskaintza eta eskaria bateratzeko helburuz.